Клик на сликата, нежно!

Среќна нова, среќно хакирање!

* Насловната страна во овој број на зинот е иронија на застарената македонска литература, па еве ви нудиме нова повеќејазична литература за да покажиме дека знаењето на било кој јазик ја има истата вредност.

Се случи и тоа “Лугархија” број 2. Многу сме задоволни од првиот прием на Лугархија од страна на заедницата. Луѓето го симнуваа, сајтот беше апсолутно најпосетуван ресурс на кој Лугола има работено, активисти од неколку градови веќе и испечатија примероци и разделија по училиштата, библиотеките и фините девојки од нивните градови. Ни пишаа многумина и тоа нѐ тера да нурниме уште подлабоко во успехот. Одиме со зголемен број содржини, страници и задржан квалитет. Се надеваме дека овој езин нема да биде само парче датотека или хартија пред Вашите очи, туку она што е нашата чиста цел – средство преку кое ќе Ви помогнеме во осознавањето на правата природа на технологијата, онаква како што била пред да се создадат штетните бизнис модели кои го уназадија општеството.

Вашите коментари, пофалби, критики се секогаш добредојдени. ezineНАlugola.net (замени НА со @)

Тоа би се рекло: Излезе Лугархија, број 1, октомври 2008 !!

Првиот број не изобилува со многу содржини, сепак е прв и има 16тина странички, меѓутоа сметаме дека со тоа ќе створиме отскочна даска, едноставно колку да тргниме од некаде во реализација на нашата идеја. Идеите и сугестиите се добредојдени, отворени како порт 80 за Вашите сугестии.

Голема благодарност изразуваме за тие кои воопшто се заинтересираа кон ова издание, сите Луголаши кои се ангажираа кон пишењето и оние кои ќе ги поделат печатените примероци по школите низ Македонија (најпрво ќе биде опфатено едно училиште од Битола, по договор). Со овој обид за ширење на знаењето ќе се обидеме да промовираме слободно знаење, ќе пробаме преку овој магазин да придонесеме за поквалитетно и медиумски независно известување кое сите ние го заслужуваме! Од една страна ни е чест што агендата на Лугола 2.0 се одвива како што замисливме, од друга страна пак ни е ќеф што (речиси) сите од Лугола се зафатиме во реализирањето на зинот, едноставно WE DID IT !!!

Среќно хакирање!

Симни ТУКА!